NUDI Pedes

NUDI Pedes
viriles magis, quam in calceis, verba Tertull. de Pallio.
Ubi, si quid calceatûs inducitur a palliatis, sandalia esse, non calceos, quae res mundissima est: frequentius tamen nihil calceatûs inducere, sed nudipedes agere, hocque virile magis esse, ait. Clemens Alex. Paedag. l. 2. c. 11. Α᾿νδρὶ δὲ αὖ μάλα ἁρμόδιον ἀνυποδησία, πλὴν εἰ μὴ ςτρατεύοιτο, καὶ γὰρ πῶ ἐτγὺς τῷ ὑποδεδέςθαι τὸ δεδέςθαι. Ἀσκητικώτατόν γέ τοι γυμνοῖς χρῆςθαι τοῖς ποσὶν καὶ πρὸς ὑγείαν καὶ ἐυκολίαν ἔυθετον, ἔνωα μὴ ἀνάτκητις διακωλύοι. De Cynicis autem loquitur Tertullian, qui si quid calceatûs
inducebant, sociis aut blautiis calceabantur, pluribus tamen ex his Nudipedalia magis celebrantibus. Ideo dixit, palliô Cynicô amictos, si quid calceatûs gererent, mundissimum opus esse, nudos tamen magis pedes habere, h. e. ἀνυποδητεῖν. Nam Cynici plerumque tales, ut Ascetae: nihil autem ἀσκητικώτερον, quam ἀνυποδησία, quae propria erat Cynicorum et omnium Philosophorum, qui paulo austeriorem ascesin profiterentur. Aristophanes in Nubibus.
Αἰβοῖ πονηροί γ᾿ οἶδα τοὺς ἀλαζόνας.
Τοὺς ὠχριῶντας, τοὺς ἀνῦποδήτους λέγεις.
Ω῟ν κακοδαίμων Σωκράτης καὶ Χαιρεφῶν.
Vah mali, novi arrogantes illos,
Illos pallentes, illos nudipedes ais,
Inter quos infelix Socrates et Chaerephon.
Eandem quoque ἀνυπτοδησίαν Pythagoristae exercebant, sed omnium maxime Cynici Philosophi. Lucianus de Cynico, ἀυχμεῖς, ἀχίτων εἶ, ἀνυποδητεῖς, nudipes es. Vide et Dionem Chrysostomum in ea περὶ χήματος. Quare errat vir eruditus, qui pedes nudos magis hîc de soleatis accipiendos censet, quorum pedes intecti et nudi. Nam solea pedem non tegebat, sed plantam pedis tantum. Tacitus Annal. l. 2. c. 59. de Germanico: Pedibus intectis pari cum Graecis amictu. Graeci quoquc, cum res Romanas tractant, ἀνυποδήτους Interdum vocant non qui prorsus carent calceatu, sed qui calceos Romanos non habent, licet Graecanicas soleas induti sint. Nam ὑποδήματα proprie calceos vocabant, ad distinctionem σανδαλίων. Sed hôc locô ita accipi neutiquam potest, cum hôc sensu Graeci omnes ἀνυπόδητοι essent, utpote cum soleis et crepidis incedentes etc. Philosophos hos secuti Ascetae Christiani non solum more illorum, humillimâ et vilissimâ veste, qualis erat τρίβων Philosophorum, contecti contentique agebant, sed et Nudipedalia sibi omni tempore indicebant, ut de Heracla Presbytero narrat Eusebius: Quod tamen totum tum arbitrarium erat, utpote nondum ullâ Ascetarum πολιτείᾳ, qui Monachi postea dicti sunt, certis legibus ac regulis, priscô illô aevô constitutâ, licet inde originem accepisse sit exploratum, ut pluribus exponit Salmas. Commentar. de orig. vitae Monasticae. De Nudipede Leviro apud Hebraeos, qui Fratriam ducere semenque Fratri defuncto excitare renuebat, suô locô. Vide quoque Bochart. Hieroz. l. 2. c. 50. et hîc infra: uti de Gothorum gentilitio more nudis cruribus ac suris, nudôque poplite incedendi, aliquid infra voce Pero.

Hofmann J. Lexicon universale. 1698.

Look at other dictionaries:

  • SOCCUS — humile calceamenti genus, Comicis olim et Mulieribus in usu. Cum enim in Comoediis ut plurimum introducerentur personae humiles ac viles, utpote asoti adolescentes, deliri senes, parasiti, lenones, meretrices aliaeque huiusmodi quisquilieae et… …   Hofmann J. Lexicon universale

  • SOLEA — I. SOLEA Graece Σωλέας, apud Codinum de Officiis c. 17. At Partriarcha, apud Soleam Stans, recitat orationem, pars Aedis sacrae est, Bemati et Amboni proxima, qualis vero, non adeo liquet. Meursio fuit thronus seu solium, e quo fidelibus olim S.… …   Hofmann J. Lexicon universale

  • AEGIPAN — a poetis Pan est cognominatus, quod pedes caprinos haberet. Inde Aegipanes homines nudi, leves, et caprinos pedes habentes. Propert. l. 3. eleg, 16. Mollia Dircaeae pulsabunt tympana Thebae, Capripedes calamô Panes hiante canent. Mela l. 1. c. 8 …   Hofmann J. Lexicon universale

  • NUDIPEDALIA — ludi quidam seu spectacula Lacedaemone instituta, An. ab Urb. Cond. 82. quae nudis pedibus a sacerdotibus celebrabantur. Graecis Γυμνοποδίαι. Idem festum, apud reliquos quoque Graecos, Romanos, Barbaros, fuit in usu. Tertullain. Apologet. c. 40.… …   Hofmann J. Lexicon universale

  • POPULI plurimi a nobis descripti sunt — in quibus aliquot ita ab aliorum consuetudine recedunt, ut non inter homines, sed inter feras censen di videantur. In iis non nullos uti prodigiosos hic subicere libuit. POPULI PRODIGIOSI MONSTRUOSIVE, EX PLINIO, l. 6. Et 7. ET ALIIS SCRIPTORIBUS …   Hofmann J. Lexicon universale

  • ZONAE — I. ZONAE quantum ad nostrum attinet institutum, sunt circuli quidam lati, caelum, terramque veluti cingulâ quâdam ambientes. Sunt autem numerô quinque: ex quibus media, quae inter Tropicos est, nimiô calore parum apta creditur habitationi: duae… …   Hofmann J. Lexicon universale

  • BALNEAE — Romae plurimae fuerunt, cum privatae, in locis diversis, tum publicae in singulis regionidus, haeque vel aestivales, vel hiemales: Sidonius Apoll. Carm. 22. v. 179. Porticus ad gelidos patet hinc aestiva triones, Hinc calor innocuus thermis… …   Hofmann J. Lexicon universale

  • CYNICI — Philosophi quidam sectatores Antisthenis, qui primus novum hoc Philosophiae genus introduxit: Ita dicti five a Cynosarge gymnasio, in quo Antitthenes profitebatur; sive a canina mordacitate, quâ in hominum vitas nullô discrimine invehebantur: aut …   Hofmann J. Lexicon universale

  • GYMNASTICA — Graece Γυμναςτικὴ, Latin. Ars exercitatoria, finitore Galeno l. ad Thras. ἐπιςτήμη ἐςτὶ τῆς εν πᾶσι γυμνασίοις δυν´αμεως, quoe omnium exercitationnum facultates novit. Mercuriali est Facultas quaedam omnium exercitationum facultates contemplans,… …   Hofmann J. Lexicon universale

  • HUMERI — an ἀπὸ τῶ ὤμων, quae vox Graecis idem notat; an ab armis, qui idem in quadrupedibus, quod Humeri in homine; an ab humo, quod sicut humus, ita et Humeri, oneri ferendo facti sint? Certe hac inprimis parte onera optime sedent. Unde Humero Messiae… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.